المطوية الأم : أرشيف السمعيات (الزوار: 327)

الدرس إنتهى

أرشيف السمعيات
يضم أرشيف السمعيات الملفات الصوتية: موسيقى، أغاني، محاضرات، إلقاء أشعار، تلاوة
أرسل الموضوع لأصدقائك | الإشتراك في المطوية
عواد باع
لا
موال يا
قرية
الدرس إنتهى
مجزرة العصابة لصهيونية في مدرسة بحر البقر الابتدائية المشتركة التي تقع بمركز الحسينية – محافظة الشرقية ( شمال شرق القاهرة ، جنوب بورسعيد ) 8 أبريل 1970.

الدرس إنتهى
كلمات صلاح جاهين - تلحين سيد مكاوي - غناء شادية


الدرس انتهى لموا الكراريس
بالدم اللى على ورقهم سال
فى قصر الامم المتحدة
مسابقة لرسوم الاطفال

ايه رايك في البقع الحمرا
يا ضمير العالم يا عزيزى
دى لطفلة مصرية سمرا
كانت من اشطر تلاميذى
دمها راسم زهرة
راسم راية ثورة
راسم وجه مؤامرة
راسم خلق جبارة
راسم نار
راسم عار
ع الصهيونية والاستعمار
والدنيا اللى عليهم صابرة
وساكتة على فعل الاباليس
الدرس انتهى
لموا الكراريس

ايه رأى رجال الفكر الحر
فى الفكرة دى المنقوشة بالدم
من طفل فقير مولود في المر
لكن كان حلو ضحوك الفم
دم الطفل الفلاح
راسم شمس الصباح
راسم شجرة تفاح
فى جناين الاصلاح
راسم تمساح
بالف جناح
فى دنيا مليانة بالاشباح
لكنها قلبها مرتاح
وساكتة على فعل الاباليس
انتهى الدرس
لموا الكراريس

ايه رايك ياشعب ياعربى
ايه رايك يا شعب الاحرار
دم الاطفال جايلك يحبى
يقول انتقموا من الاشرار
ويسيل ع الاوراق
يتهجى الاسماء
ويطالب الاباء
بالثأر للابناء
ويرسم سيف
يهد الزيف
ويلمع لمعة شمس الصيف
فى دنيا فيها النور بقى طيف
وساكتة على فعل الاباليس
الدرس انتهى
لموا الكراريس
أرسل الموضوع لأصدقائك
عنوان ملف الموضوع على الإنترنت: يمكنك نسخة على أي صفحة على الإنترنت أو رسالة بريد إلكتروني
http://archive.misrians.com/audio/Entha_Addars.mp3
لتحميل المادة على الحاسوب الشخصي أنقر على الرابط أعلى بالزر الأيمن للمؤشر ثم اختيار (حفظ ك)
نشرها: [عزت هلال] بتاريخ: [الجمعة, 04 ديسمبر 2009] من العنوان: [127.0.0.1]
عدد مرات القرائة: 1124
شـارك في تقييـم: الدرس إنتهى
rate downضعيف 1 2 3 4 5 6 7 8 9 10 ممتـازrate up

النتيجة : 100%
                                                           
المشاركين: 1
إجمالي التعليقات: [0] - أعرض التعليقات/ أضف تعليق